Qindra mijëra demonstrues u mblodhën në Varshavë për një nga mitingjet më të mëdha në Poloni që nga rënia e komunizmit në 1989, raporton Klix, përcjell Fol Drejt.
Shumica e partive opozitare u bënë thirrje mbështetësve të bashkohen në marshimin kundër partisë nacionaliste Ligj dhe Drejtësi (PiS), të udhëhequr nga Jaroslaw Kaczynski.
Mes të pranishmëve janë ish-kryeministri Donald Tusk dhe ish-presidenti Lech Walesa. PiS e dënoi tubimin si një “marsh urrejtjeje”.
Zyra e kryebashkiakut të Varshavës vlerësoi se gjysmë milioni njerëz morën pjesë në ngjarje, e cila u bë në 34 vjetorin e zgjedhjeve të para pjesërisht të lira në Poloni.
Shumë janë nga pjesë të tjera të vendit, dhe në të njëjtën kohë protesta u mbajtën edhe në qytete të tjera polake si Krakov.
Një gamë e gjerë çështjesh mblodhi së bashku demonstruesit, duke përfshirë zhgënjimet për inflacionin, koston e jetesës dhe të drejtat e grave dhe personave LGBT.
Janë ngritur shqetësime edhe për ligjin e ri, i cili thuhet se minon demokracinë polake.
Ligji, i cili është kritikuar nga BE dhe ShBA, krijon një komision për të hetuar ndikimin e paligjshëm rus në politikën polake dhe ka fuqinë t’i ndalojë njerëzit të mbajnë poste publike për 10 vjet.
Qeveria mohon që ligji minon demokracinë dhe presidenti Andrzej Duda ka propozuar amendamente për heqjen e këtyre kompetencave. /FolDrejt/
