Faqja sportive Goal.com ka bërë një shkrim interesant lidhur me talentin shqiptar të Salzburgut, Dijon Kameri, raporton Fol Drejt.
18-vjeçari austriak tashmë po bën impakt në ekipin e parë, pasi luajti në finalen e UEFA Youth League të sezonit të kaluar.
Pavarësisht nëse janë nga Evropa, Afrika apo edhe Amerika e Jugut, Red Bull Salzburg ka një strategji mjaft të qartë kur bëhet fjalë për zhvillimin e të rinjve të talentuar: të rekrutojë lojtarë nga mesi deri në fund të adoleshencës, t’u japë atyre mundësi për t’u përmirësuar dhe për të luajtur futboll evropian, para se t’i shesin për një fitim të konsiderueshëm.
Erling Haaland mbetet “posteri” i këtij procesi, ndërsa lojtarë si Patson Daka, Karim Adeyemi dhe Benjamin Sesko janë prova se kjo rrugë po vazhdohet.
Megjithatë, ajo për të cilën Salzburgu nuk ka një reputacion të fortë është prodhimi i lojtarëve të tyre; individë që kanë mësuar mënyrën e Red Bull-it që në moshë të re dhe kanë kaluar nëpër rangjet e akademisë përpara se të luanin për ekipin e parë.
Dijon Kameri, megjithatë, mund të jetë gati të thyejë këtë rregull. Mesfushori 18-vjeçar është futur me “forcë” në skuadrën e të rriturve këtë sezon dhe tashmë po lë përshtypje tek kampionët austriak me aftësitë e tij të lojës.
I lindur në Austrinë lindore dhe me origjinë kosovaro-shqiptare, talentet e futbollit të Kamerit u vunë re për herë të parë kur ai po luante në një turne shkollor rreth moshës shtatë vjeçare.
Skautët e Salzburgut morën parasysh aftësinë e tij dhe e ftuan për një provë, përpara se ta regjistronin në sistemin e akademisë së klubit në 2012.
Kameri – i cili tërhoqi interesin nga klubet e tjera evropiane me kalimin e viteve – kaloi gradualisht në ekipe të ndryshme të grupmoshave, duke bërë debutimin e tij për U-18-të si 16-vjeçar në fillim të sezonit 2020-21.
Ai ishte kapiten i Austrisë U17 më vonë atë muaj pasi ai konsiderohej tashmë si talenti i jashtëzakonshëm i brezit të tij.
Ashtu si shumë nga lojtarët e rinj të Salzburgut – qofshin të rritur apo të rekrutuar – shija e parë e futbollit të Kamerit erdhi nga FC Liefering, klubi i divizionit të dytë që vepron si ekipi rezervë i Salzburgut.
Kameri bëri debutimin e tij në gusht të vitit 2021 dhe ishte një titullar i rregullt gjatë gjithë sezonit të kaluar, megjithëse shifrat e tij si sulmues nuk duken aq premtuese, pasi ai shënoi vetëm një gol dhe dha vetëm katër asistime në 22 ndeshje.
Sidoqoftë, ishte një histori ndryshe në Ligën e të rinjve të UEFA-s, pasi vlerat e tij u rritën masivisht për shkak të një numri paraqitjesh mbresëlënëse ndërsa Salzburgu arriti në finale.
Sërish, shifrat nuk lënë aq shumë përshtypje – dy gola (përfshirë një gol bombastik në fitoren në gjysmëfinale ndaj Atletico Madridit) dhe dy asistime në tetë ndeshje.
Por mënyra se si ai ishte në gjendje të diktonte lojën me dhe pa top, i mundësoi palës austriake të vazhdonte rrugën e saj në këtë garë.
Bruno Fernandes i ardhshëm?
Megjithëse nuk është një krahasim një me një, ka diçka nga Fernandes për mënyrën se si Kameri vazhdimisht pret me padurim të luajë me shokët e skuadrës.
Të dy të përshtatshëm për skuadrat që kryesisht kundërsulmojnë, por që gjithashtu mund të futen në skuadrat që bazohen në zotërimin e topit, Kameri ka padyshim aftësitë për të arritur dhe tejkaluar Fernandesin ndërsa zhvillohet karriera e tij.
Aftësia e lojës presing e Kamerit, së bashku me aftësitë e tij me top, të sjell në mendje edhe Mason Mount, dhe duke pasur parasysh edukimin e tij në Red Bull, adoleshenti austriak ka të ngjarë të jetë po aq i hapur për trajnim sa ylli i Chelseat dhe Anglisë. /FolDrejt/
Arikulli i plotë i Goal.com:
