Duket se ish ambasadori amerikan në Gjermani, Richard Grenell, i njohur si përfaqësuesi special i presidentit Donald Trump për dialogun Serbi-Kosovë, ka qenë tepër i ashpër dhe aspak diplomatik me deklaratën e fundit drejtuar qeverisë Kurti.
SHBA-ja është e gatshme të bëjë investime milionëshe në Kosovë, nëse hiqet taksa.
“Megjithëkëtë, SHBA-ja do t’i anulojë të gjitha këto projekte deri sa Qeveria nuk i heq taksat dhe nuk heq dorë nga planet për vendosje të reciprocitetit”, ka thënë një burim për mediat në Kosovë.
Kjo është bërë e qartë edhe në një postim të ambasadorit Grenell në profilin e tij në Twitter, ku thotë se nuk mund të ketë investime amerikane pa heqjen e taksës.
“Taksa duhet të hiqet në mënyrë që të funksionojnë investimet. Është thelbësore”, ka shkruar Grenell në Twitter.
Përndryshe Grennel ka qenë tepër i kritikuar edhe në Gjermani, për shkak të ndërhyrjes në punë të brendshme./Foldrejt.com
