Përpara 200 vjetëve Greqia shpalli pavarësinë nga Perandoria Osmane, ku një ndihmë e veçantë, atëkohë i erdhi nga Britania e Madhe. Media më e madhe greke Kathimerini, kujton Lord Bajronin që përveç poezive motivuese për ngritjen e atdhetarizmit mes grekëve, vdiq poashtu në tokën greke. Poashtu kujtohen britanikët Patrick Leigh Fermor ose Winston Churchill, të cilët gjatë LDB bënë çështë e mundur për të mbajtur Greqinë jashtë zonës së influencës sovjetike.
“Tani Greqia ka nevojë për ndihmë edhe njëherë, por Bashkimi Europian është në gjumë si shpeshherë,” përcjell foldrejt.com, shkrimin e medias greke. “Por nëse BE është e dobët si dikur, është Britania e madhe që duhet të luajë një rol më të madh për të sprapsur aspirat në Mesdhe të presidentit Rexhep Taip Erdogan.”
Por në fund media greke tregon edhe rolin destruktiv të kryeministrit të tanishëm, Boris Johnson, i cili, kurrë nuk e fsheh sekretin për “qëndrimin pro-turk”. Kjo mbase lidhet edhe me atë se kastragjyshi i tij osman, Aliu, ishte poet në shërbim të Sulltanit.
“Kur Johnson ishte kryeredaktor i konservatores britanike “Spectator”, ai shkruante faqe për mbështetjen e anëtarësimit të Turqisë në BE. Tani Britania ka lëshuar BE-në, kurse kërkon partnerë të rinj jo-europianë. Në korrik, ministri britanik i tregtisë, kërkoi një marrëveshje të re tregtare me Turqinë,” përcjell foldrejt.com.
Do ishte tradhti për Greqinë nga Britania, nëse do ndryshojë pikërisht në këtë kohë rolin e saj dyqindvjeçar pro-helen. Por pas Brexit, gjithçka është e mundur./Foldrejt.com
