“Greqia nuk është në nivelin tonë, pasi nuk është e barabartë me ne politikisht, ekonomikisht apo ushtarakisht”, tha presidenti Erdoğan.
Presidenti i Türkiye-s, Recep Tayyip Erdoğan, tha se Greqia nuk është e barabartë me Türkiye-n, shkruan AA, transmeton Fol Drejt.
“Greqia nuk është në nivelin tonë, pasi nuk është e barabartë me ne politikisht, ekonomikisht apo ushtarakisht”, tha Erdoğan pas një takimi të kabinetit në kryeqytetin turk Ankara.
Gjatë fundjavës, mes tensioneve midis Türkiye-s dhe Greqisë, presidenti Erdoğan paralajmëroi Greqinë të mos shkojë shumë larg, duke paralajmëruar se Türkiye do të bëjë atë që duhet kur të vijë koha.
“Greqi, shiko historinë, kthehu pas në kohë; nëse shkon shumë larg, çmimi do të jetë i rëndë. Ne kemi një gjë për t’i thënë Greqisë: Kujto Izmirin”, tha presidenti, duke iu referuar një zone bregdetare të Türkiye-s që ushtria greke e pushtoi një shekull më parë, derisa forcat çlirimtare turke e dëbuan ushtrinë greke.
Türkiye, një anëtare e NATO-s për më shumë se 70 vjet, është ankuar për veprimet e përsëritura provokuese dhe retorikën e Greqisë në rajon muajt e fundit, duke përfshirë armatimin e ishujve pranë brigjeve turke që janë çmilitarizuar sipas një traktati, duke thënë se veprime të tilla pengojnë përpjekjet e saj qëllimmira për paqen.
Erdoğan shtoi se nesër do të nisë një turne treditor në Ballkan, duke përfshirë Bosnje dhe Hercegovinën, Serbinë dhe Kroacinë./FolDrejt/
