Qarku i Los Angelesit ka rënë dakord të paguajë gati 29 milionë dollarë dëmshpërblim për të venë e superyllit të NBA, Kobe Bryant, pasi policia publikoi fotot e rrëzimit të tij fatal të helikopterit tre vjet më parë, raporton Klix, përcjell Fol Drejt.
Vanessa Bryant paditi policinë dhe publikoi emrat e oficerëve që shpërndanë foto nga skena e aksidentit ku humbën jetën bashkëshorti i saj Kobe dhe vajza Gianna dhe shtatë persona të tjerë.
Një nga oficerët thuhet se ndau foto të trupit të Kobe me një banakier, dhe më pas të tjerët vazhduan të shpërndanin foto të fëmijëve, prindërve dhe trajnerëve të vdekur.
Avokatët e qarkut LA e quajtën zgjidhjen “të drejtë dhe të arsyeshme”.
“Sot shënojmë kulmin e suksesshëm të luftës së guximshme të zonjës Bryant për të kërkuar llogari nga ata që u përfshinë në këtë sjellje groteske”, thanë avokatët.
“Ajo luftoi për burrin e saj, vajzën dhe të gjithë ata në komunitet, familja e të cilëve u trajtua me të njëjtën mungesë respekti. Shpresojmë që fitorja e saj në gjyq dhe kjo zgjidhje do t’i japë fund kësaj praktike.”
Vanessa pretendon se fotot që tregojnë trupin e vajzës së saj 13-vjeçare Gianna janë bërë dhe shpërndarë vetëm për thashetheme morbide.
Dëmi prej 29 milionë dollarësh përfshin 16 milionë dollarë që një juri federale i dha zonjës Bryant në gusht 2022 në padinë e saj për privatësi kundër Qarkut të Los Anxhelosit.
Burri i zonjës Bryant, Kobe Bryant (41), vajza Gianna (13) dhe shtatë miq të familjes vdiqën kur helikopteri i tyre u rrëzua në Kaliforni në janar 2020.
Christopher Chester humbi gruan e tij Sara dhe vajzën Payton në atë aksident dhe ai do të marrë rreth 20 milionë dollarë dëmshpërblim. /FolDrejt/
