Trajneri i Manchester Cityt, Pep Guardiola, u bë trajneri i parë që nga viti 2007 që nuk bëri asnjë zëvendësim në gjysmëfinale të Ligës së Kampionëve dhe i fundit që e bëri këtë ishte legjendar Sir Alex Ferguson, transmeton Klix, përcjell Fol Drejt.
Mbrëmë Guardiola luajti të 90 minutat me të njëjtën skuadër, pra me lojtarët që e nisën ndeshjen dhe për t’i bërë gjërat edhe më keq, në pankinë la emra dhe lojtarë spektakolarë.
Kështu në ndeshjen e mbrëmshme në Madrid nuk patën mundësi të luajnë sulmuesi Alvarez, anësorët Mahrez dhe Foden, mesfushori Phillips dhe mbrojtësi Laporte, ndërsa në skuadër nuk ishte i dëmtuari Ake, i cili ka një problem muskulor.
Nga minuta e parë deri në minutën e fundit për Manchester Cityn kanë luajtur Ederson, Walker, Dias, Akanji, Stones, Rodri, Silva, De Bruyne, Gundogan, Grealish dhe Haaland.
Trajneri i fundit që nuk bëri asnjë ndryshim në gjysmëfinalet e Ligës së Kampionëve ishte Alex Ferguson, në vitin 2007, kur Manchester Unitedi i tij luante gjysmëfinalen e Champions League kundër Milanit.
Manchester City tashmë pret një ndeshje jashtëzakonisht të rëndësishme në Premiership këtë fundjavë, ku mbron vendin e parë dhe katër pikë avantazh ndaj Arsenalit dhe do të luajë në Goodison Park kundër Evertonit, i cili po lufton dëshpërimisht për mbijetesë. /FolDrejt/
