Menaxheri i klubit të futbollit Manchester City, Pep Guardiola, ka thënë se skuadra e tij dëshmoi në fushë se me meritë e fitoi titullin në Premierligë, raporton Sky Sports.
Manchester City siguroi një titull të ri në Premier League fundjavën e kaluar. Mbrëmë “Qytetarët” luajtën pa fitues me Brighton 1:1 në ndeshjen e prapambetur të xhiros së 32-të të kampionatit anglez, përcjell Fol Drejt.
“Ndeshje fantastike, përgëzoj Brighton për vendin e merituar në Europa League. Nuk vura re një rënie në intensitetin tonë dhe realizimin e idesë së lojës. Më tregon se çfarë bëmë këtë sezon. Ne fituam në fushë askush nuk na dha asgjë”, tha Guardiola./FolDrejt/
