Gati 60 pjesëtarë të personelit ushtarak rus, duke përfshirë të paktën 10 oficerë, u vranë pasi Ukraina sulmoi kazermat pranë fshatit të pushtuar të Korzhove, raportoi më 27 tetor guvernatori i rajonit të Luhanskut, Serhii Haidai, shkruan The Kyiv Independent, Fol Drejt.
Pas sulmeve të veçanta në rajonin e Luhanskut, rreth 100 ushtarë rusë të plagosur u sollën në Holubivka më 24-25 tetor, sipas Haidai.
Më 25 tetor, Haidai tha se Ukraina kishte çliruar tre vendbanime të tjera në rajonin e Luhanskut, por nuk specifikoi emrat e tyre.
Më 18 tetor, Forcat e Armatosura të Ukrainës zmbrapsën disa sulme ruse në rajonin e Luhanskut, duke përfshirë atë pranë fshatit të çliruar të Bilohorivka, sipas Haidai. Guvernatori i rajonit shtoi se trupat ruse po “vazhdojnë të bombardojnë vendbanimet e çliruara, duke i kthyer ato në hi”. /FolDrejt/
