Redaksia e Zhurnalit
Dibër, 18 prill – Në hije shpresë po lind në Dibër dhe atë me Hekuran Dukën. Ai vjen nga një parti si BDI, që për hir të së vërtetës, ashtu si edhe partitë tjera kishin neglizhuar Dibrën.
Por me kandidimin e Hekuran Dukës, jo vetëm që gjithë funksionarët po vijnë në Dibër, por është edhe një mesazh i qartë se me fitoren e tij, Dibra do zë një vend të veçantë në projektet dhe agjendën qeveritare.
Ne e dimë, përtej foklorit, që pa ndihmën e qeverisë nuk mund të zhvillohet asnjë qytet. Gjithashtu, të gjithë jemi të bindur, që Hekurani do dijë më mirë ta zbatojë këtë, duke luftuar përnjëmend korrupcionin që ia ka marrë frymën qytetit dhe që të shumëzojë me zero nepotizmin nëpër institucionet publike, përcjell Zhurnal.mk.
Pra krahas rritjes së vlerës së Dibrës në qeveri, kemi edhe një kandidat që të gjithë dibranët e njohin për moralin që gëzon – prej kohës kur e ushtronte profesionin e kirurgut.
Pse Dibra me Dukën ndodhet në situatë win-win strategy?
Përherë të parë ndodh që Dibra, krahas që ka një kandidat të edukuar, profesionit, të pakorruptuar, ai do ketë edhe mbështetje nga qeveria. Dy kushtet për t’u zhvilluar Dibra me traditën e saj të madhe.
Kjo padyshim që është një shpresë e madhe, që të mundësojë stopimin e largimit të të rinjve tanë të mrekullueshëm nga Dibra dhe më pas edhe nga trojet tjera.
