Ambasadori i Shteteve të Bashkuara të Amerikës (ShBA), në Serbo, Christopher Hill ka thënë së fundmi se as Kryeministri i Kosovës Albin Kurti e as Presidenti i Serbisë Aleksandër Vuçiq, nuk e kishin të lehtë për ta arritur marrëveshjen, shkruajnë mediat serbe, transmeton Fol Drejt.
Megjithëse s’kanë qenë të lehta për asnjërën palë, sipas Hill, ai vetë ka filluar ta ndjejë një përparim në këtë drejtim.
Ndërsa e ka përmendur nevojën për themelimin e asociacionit, zbatimi i marrëveshjes do t’i çojë palët në drejtim të përmirësimit të raporteve me Bashkimin Evropian.
Mendoj se Vuçiq dëshiron të normalizojë marrëdhëniet me Kosovën, si dhe marrëdhëniet mes Beogradit dhe Brukselit, shtoi Hill, i cili beson se përfaqësuesit e Brukselit kanë “shumë merita” për këtë marrëveshje.
Pyetja është se cila është mënyra më e mirë për ta arritur atë pikë. A duan njerëzit të ankohen për problemet që nuk janë zgjidhur, apo duan të shohin zgjidhje të mundshme në të ardhmen. Mendoj se shumë njerëz janë të shqetësuar se si do të përfundojë kjo, por në vend që të shqetësohemi, pse të mos mbështesim njerëzit që morën këto vendime të vështira, tha Hill.
Ai theksoi se është e qartë se ShBA-të 100 për qind mbështesin atë që dëshiron të bëjë Bashkimi Evropian.
“Ne kemi diplomatë shumë të aftë, por dua ta dini se ne nuk jemi pjesëmarrës, as pjesë e marrëveshjes ndërmjet Serbisë, Kosovës dhe Bashkimit Evropian, por ne jemi pjesë e këtij procesi dhe do të jemi shumë të përfshirë, dhe është e qartë se gjithçka që është rënë dakord duhet të zbatohet” – citohet të ketë thënë Hill.
Ai shtoi se shumë vende kanë probleme me të cilat duhet të luftojnë dhe se të njëjtën gjë e pret edhe nga Serbia.
Mendoj se serbët po tregojnë qartë drejtimin që duan të shkojnë. Nëse do të ishte drejt Rusisë, nuk jam i sigurt se ata do të ishin në anën e mirë, vuri në dukje Hill.
Ai tha se vizita e tij në Preshevë është e rëndësishme dhe shprehu gatishmërinë për të ndihmuar në zgjidhjen e problemeve për të cilat dëgjoi sot në Preshevë dhe dje në Bujanoc.
Do të kthehem në Beograd dhe do të më lërë të mendoj dhe të shoh se çfarë mund të bëj për të qenë i dobishëm. “Është shumë e rëndësishme që njerëzit të kuptojnë se cilat janë çështjet dhe mendoj se kam qenë i qartë për këtë,” tha Hill./FolDrejt/
