Kombëtarja holandeze e futbollit gjendet në telashe të mëdha në prag të duelit gjysmëfinal të Ligës së Kombeve me Kroacinë që do të luhet të mërkurën, raporton Klix, përcjell Fol Drejt.
Holandezët e kishin mësuar më herët se trajneri Ronald Koeman nuk do të mund të llogariste në Memphis Depay dhe tani morën një tjetër informacion të keq nga ekipi mjekësor.
Gjegjësisht, në ndeshjen me Kroacinë për shkak të lëndimit do të mungojë edhe mbrojtësi 23-vjeçar Matthijs de Ligt. Lojtari i Bayernit është lënduar gjatë stërvitjes dhe nuk do të mund të luajë.
De Ligt debutoi për Holandën në vitin 2017 kur ishte vetëm 17 vjeç dhe deri më tani ka luajtur 41 ndeshje dhe ka shënuar dy gola.
Ndeshja Holandë – Kroaci do të luhet të mërkurën në Roterdam me fillim nga ora 20:45. Një ditë më vonë, Spanja dhe Italia do të luajnë gjysmëfinalen e dytë në Enschede në orën 20:45, ndërsa lufta për medalje është planifikuar të dielën.
Ndeshja për vendin e tretë do të luhet në Enschede në orën 15:00, ndërsa finalja në Roterdam në orën 20:45. /FolDrejt/
