Hotelet në Venecia të Italisë njoftuan se mysafirët po armatosen kundër pulëbardhave agresive të qytetit me një formë të pazakontë mbrojtjeje: armë uji.
AVA, shoqata e hotelierëve për qytetin e Venecias, tha se mysafirëve u jepen pistoleta uji me ngjyrë portokalli për t’i shmangur pulëbardhat e qytetit, të cilat dihet se ndjekin në mënyrë agresive ushqimin dhe çdo gjë tjetër që ata e shohin si të ngrënshme.
“Ato me të vërtetë kryejnë punë, janë gjithashtu me ngjyrë portokalli, gjë që atyre zogjve nuk u pëlqen”, tha për ANSA Paolo Lorenzoni, drejtor i hotelit historik ‘Gritti’ pranë Grand Canal.
Ai shtoi se zogjtë tashmë kanë mësuar të shmangin këdo që mban një armë uji.
“Sapo shohin pistoletat, fluturojnë larg”, tha ai. As nuk keni nevojë t’i përdorni ato, thjesht duhet t’i mbani në tavolinë.
AVA tha se ka marrë në konsideratë masa të mëtejshme për të mbrojtur turistët nga pulëbardhat, duke përfshirë përdorimin e pajisjeve elektrostatike dhe me bazë zëri.
