Hoxha i njohur nga Kosova, Hysamedin Abazi, ka reaguar pas mbajtjes së referendumit në Serbi, transmeton Fol Drejt.
Abazi ka bërë një parashikim politik, sipas së cilit, Kosova së shpejti do të fshihet nga preambula e Kushtetutës së Serbisë. Këtë gjë janë duke e menduar zyrtarët serbë, sipas tij.
Megjithatë “sa më shpejt” që ta bëjnë këtë hap, “aq më mirë!” – thotë Abazi.
“Me gjasë, që nga sot Qeveria Serbe do fillon me mendu seriozisht për largimin e Kosovës si territor të vetin nga Kushtetuta e saj?! Kjo sepse, nëse nuk e bënë këtë Akt Kushtetues, me sa duket do të shndërrohet në Shtet Antikushtetues, sepse edhe për shumë Vendime tjera në të ardhmen, do t’i nevoitet pjesmarrja e gjithë qytetarëve dhe territoreve në votime e referendume… E mosmarrja pjesë e një pjese të territorit të saj (simbas Kushtetutës së saj) e bënë të paligjshëm atë votim-referendum. Mbetja e Kosovës si pjesë e pandashme e Serbisë dhe mosmundësia e shtetit të realizon kushtetuten në Kosovë, do ta dekushtetizoi shtetin… Veç thash” – ka shkruar ai.
Menjëherë pas mbajtjes së referendumit, i cili ka filluar të cilësohet si i dështuar, kanë shpërthyer reagime të shumta, duke u ndërlidhur me faktin se Qeveria e Kosovës dhe institucionet e tjera relevante, refuzuan që ai të mbahet edhe në territorin e Kosovës./FolDrejt/
