Enver Hoxhaj (50) ka studiuar histori në Austri. Ai është pjesë e partisë në pushtet PDK dhe ishte një kohë të gjatë ministër i jashtëm.
Momentalisht është pjesë e delegacionit të bisedimeve mes Prishtinës dhe Beogradit, ku për intervistën ekskluzive ndaj Der Standard, ka theksuar se “ndryshimi i kufijve është vija e kuqe.”
Bile kundër ndarjes së Kosovës është shteti udhëheqës i BE për këto gjashtë muaj, Rumania, dhe Spanja që akoma nuk kanë njohur pavarësinë e Kosovës.
Më tej Hoxhaj ka theksuar se pas Marrëveshjes së Prespës mes Athinës dhe Shkupit, është prioritet i Perëndimit që në Ballkanin Perëndimor të zgjidhet mosmarrëveshja mes Kosovës dhe Serbisë, por kjo mund të arrihet vetëm “nëse Kosova bëhet anëtare e OKB” dhe jo nga një votim në kuvendet e të dyja vendeve.
“Në të ardhmen do ketë rreth pesë takime në Bruksel, atëherë do ketë një konferencë të përbashkët mes presidentit, kryeparlamentarit, kryeministrit dhe ministrit të jashtëm,” tha Hoxhaj, duke shtuar se fillimi i dialogut varet edhe nga shefja e politikës së jashtme të BE-së, Frederica Mogherini, përcjell foldrejt.com.
Hoxhaj ka shtuar se janë të gatshëm të bisedojnë edhe për dëmshpërblimet e luftës dhe se marrëveshja mund të arrihet prej në këtë vit, për shkak se “rruga europiane e Beogradit kalon përmes Prishtinës”.
Mosliberalizimi i vizave, faj ka BE
Në lidhje me mosliberalizimin e vizave për qytetarët e Kosovës, Hoxhaj ka fajësuar BE-në, duke marrë shembullin mes studentit që plotëson saktë gjithë testin, kurse profesori nuk i vendos notë. “Në këto raste, faji është te profesori dhe jo te studenit,” përcjell foldrejt.com.
Në fund Hoxhaj ka folur edhe për veriun e Kosovës, ku sipas tij jetojnë rreth 30 mijë banorë, por që keqpërdoren nga Serbia, për të mos “zbatuar planin e Mahti Ahtisaarit”.
“Cështja është nëse Serbia mund të zgjedhë modelin kroat ose nëse kërkon të blejë kohë. Ne nuk duam të humbim kohë si Maqedonia,” tha Hoxhaj.
Modeli kroat ishte që pjesa territoriale ku jetonin serbët, pas luftës përsëri ju bashkangjitën institucioneve të Zagrebit./Foldrejt.com
