Shërbimi Spitalor dhe Klinik Universitar i Kosovës njoftoi të shtunën, më 11 shtator, se në 24 orët paraprake ka pasur më shumë lirime të pacientëve me koronavirus sesa pranime të reja në spitale dhe klinika.
“Në Qendrën Klinike Universitare të Kosovës ka pasur 25 pranime të pacientëve, kundrejt 40 lirimeve të tjera që janë bërë nga ana e mjekëve. Në spitalet e përgjithshme ka pasur 51 pranime, kurse 56 lirime të pacientëve”, u tha në njoftimin e këtij shërbimi.
SHSKUK-ja po ashtu njoftoi se 65 pacientë me koronavirus janë në gjendje të rënduar shëndetësore.
