Me një amendament, mjeku duhet të informojë nënën për “funksionet vitale” të fetusit – Festohet nga opozita e ekstremit të djathtë, shqetësim nga Amnesty International.
Gratë shtatzëna që duan të bëjnë një abort duhet së pari të informohen “në mënyrë të qartë” nga mjeku obstetër i tyre për “funksionet vitale të fetusit”, sipas një amendamenti të ligjit të botuar të hënën vonë në Gazetën e Qeverisë Hungareze, shkruan protothema, transmeton Fol Drejt.
Amendamenti ndryshon kushtet e nevojshme për një abort në shtetin anëtar të BE-së, ku ndërprerja e shtatzënisë ka qenë e ligjshme që nga vitet 1950 – në shumicën e rasteve, deri në javën e 12-të të shtatzënisë.
Dekreti, i nënshkruar nga ministri i Brendshëm, Sandor Pinter, do të hyjë në fuqi të enjten dhe shënon një shtrëngim të rregullave.
Partia opozitare e ekstremit të djathtë Mi Hazank, e cila bëri thirrje për këtë ndryshim , shprehu kënaqësinë e saj me një deklaratë ku pretendonte se “nënat tani do të dëgjojnë rrahjet e zemrës së fetusit”, megjithëse teksti i ligjit nuk e përmend në mënyrë eksplicite këtë.
“Për të paktën disa sekonda, fëmija i palindur do të jetë në gjendje të dëgjojë nënën, para se të ndodhë aborti”, pohon gjithashtu deputetja Dora Duro në një postim në Facebook. Ligji , i rishikuar në 1992, “nuk është vënë në gur” , vazhdoi ai, duke falënderuar organizatat pro-jetës për mbështetjen e tyre. “Po bëjmë histori!”, shtoi ai. Amnesty International
, nga ana e saj, foli për një “pengesë shqetësuese”. Vendimi, i marrë “pa asnjë konsultim”, do ta bëjë më të vështirë aksesin në abort dhe “të shkaktojë edhe më shumë trauma tek gratë që tashmë po përballen me një situatë të vështirë”, tha zëdhënësi i OJQ-së, Aron Demeter.
Në Kushtetutën e re të Ukrainës, e cila hyri në fuqi në vitin 2012, thuhet se vendi mbron “jetën e fetusit që nga ngjizja e tij”. Disa muaj më parë, qeveria e Viktor Orban financoi një fushatë kundër abortit duke përdorur fondet evropiane, duke tërhequr zemërimin e Komisionit Evropian./FolDrejt/
