Ish i dërguari special për Kosovën Richard Grenell është shpërblyer nga Presidenti i Serbisë Aleksandër Vuçiq me “Urdhrin e Flamurit Serb”, shkruan Fol Drjet.
Në opinionin kosovar është mjaft i përhapur shpjegimi se ish emisari special amerikan Richard Grenell ishte i përfshirë drejtpërdrejtë në rrëzimin e Qeverisë Kurti 1, “vetëm sepse i ngutej të nënshkruante me Serbinë”.
Edhe pas rikthimit të Vetëvendosjes në pushtet, Grenell nuk e ka shprehur pezmin ndaj saj dhe liderit të saj Albin Kurti, madje duke e cilësuar si të papërshtatshëm për rrethanat politike, duke kërkuar që ai të hiqet nga skena politike.
Dyshimet se ai është paguar për të lobuar për Serbinë, kanë qenë të përhapura edhe në opinionin serb. Por Aleksandër Vuçiq, president i Serbisë, sot citohet të ketë thënë se kjo ka qenë një propagandë mediale:
“Nuk mendoj se po e paguan, nuk jam në qeveri, por e di që ju (mediat) e keni mashtruar publikun kur thatë se kam paguar Blerin, Shrëderin, Gusenbauerin, Klintonët dhe këtë më shumë se një herë. Ju e keni mashtruar publikun shumë herë, kështu që besoj se po e bëni edhe këtë herë”, u tha Vuçiq gazetarëve në Kragujevc.
Ai deklaroi se fakti që Grenelit do t’i jepet një urdhër me rastin e festës kombëtare nuk është vendim i qeverisë, por i tij.
“Unë mendoj se Grenell është një nga njerëzit që shpesh është përpjekur të ketë një qasje shumë të balancuar, e cila është jashtëzakonisht e rëndësishme për vendin tonë sa i përket Kosovës. A mendon ai ndryshe nga ajo që mendon administrata amerikane, jo tërësisht, por ka qenë gjithmonë i gatshëm të palën serbe”, tha Vuçiq./FolDrejt/
