Një marrëveshje armësh midis Moskës dhe Phenianit do të përfaqësonte një ndryshim të madh. Kështu shkruajnë mediat botërore për takimin e paralajmëruar ndërmjet Putinit dhe Kim Jong Un-it. Ky i fundit besohet se do të udhëtojë drejt Rusisë me anë të një treni të blinduar, shkruan Fol Drejt.
Sipas BBC-së, deri në kohët e fundit Rusia kishte qenë plotësisht pas sanksioneve të Këshillit të Sigurimit të OKB-së kundër Koresë së Veriut për programin e saj të armëve bërthamore.
Ndër të tjera, këto sanksione ndalojnë tregtinë e armëve me Korenë e Veriut.
“Mos u mërzit. Një nënshkrim mund të revokohet”, tha tabloidi rus Moskovsky Komsomolets javën e kaluar.
Më shumë se një vit e gjysmë pas një lufte që ka shkuar keq për Rusinë, Moskës mund t’i duhet të plotësojë rezervat e saj të municioneve. Mund ta shohë fare mirë një marrëveshje me Phenianin si një mënyrë për të ndihmuar në arritjen e kësaj.
Por kjo nuk do të thotë se, pa ndihmën e Koresë së Veriut, makina luftarake e Rusisë është gati të ndalet.
“Putini nuk është i dëshpëruar”, beson ish-ministri i Jashtëm Andrei Kozyrev. “Ai mund ta mbajë këtë për një kohë shumë të gjatë dhe ai mund të përshtatet.”
Në anën tjetër nga mediat ruse janë transmetuar pamjet që transportonte liderin e Koresë së Veriut Kim Jong Un duke hyrë në Rusi, sipas agjencisë shtetërore të lajmeve Ria Novosti.
Videoja tregon vagonët e blinduar që kalojnë në rajonin Primorsky nga Koreja e Veriut, tha agjencia, të tërhequra nga lokomotivat e Hekurudhave Ruse./FolDrejt/
