Sipas të dhënave të fundit inflacioni në Eurozonë ka arritur në 7%, duke shkaktuar rritjen e disa çmimeve të produkteve të konsumit shkruan Fol Drejt.
Sipas ec.europa.eu “duke parë përbërësit kryesorë të eurozonës, inflacioni më i lartë pritet të jetë ushqimi, alkooli dhe duhani; norma vjetore në prill (13.6%, krahasuar me 15.5% në mars), e ndjekur nga mallrat industriale joenergjetike (6.2%) krahasuar me 6.6% në mars), shërbimet (5.2%, krahasuar me 5.1% në mars) dhe energjia (2.5%, krahasuar me -0.9% në mars).”
Po sipas këtyre të dhënave, norma vjetore e inflacionit të konsumatorit në Eurozonë u rrit në 7 për qind në muajin prill për shkak të rritjes së kostove të energjisë, duke përmbushur parashikimet e tregut.
Në Kosovë, përllogaritja e fundit e inflacionit, sipas të gjeturave nga Agjencia e Statistikave e Kosovës (ASK), ishte “(-0.4%).”
Por në anën tjetër, “norma vjetore e inflacionit e matur në muajin mars 2023 me muajin mars 2022 ishte 7.6%.”
Kjo kryesisht është shpjeguar me ngritjen e çmimeve të konsumit në këtë periudhë “te grupet dhe nëngrupet e COICOP-it: qumësht, djathë dhe vezë (19.2%); mish (16.6%); prodhime ushqimore (16.2%); sheqer, reçel, mjaltë, çokollatë dhe ëmbëlsira (15.0%); mirëmbajtje dhe rregullim i vendbanimit (13.7%); bukë dhe drithëra (12.8%); perime (11.6%); mobile, pajisje shtëpiake dhe mirëmbajtje e shtëpisë (9.6%); peshq (9.6%); mbrojtje sociale (9.5%); kujdes personal (9.0%); kafe, çaj dhe kakao (8.7%); restorante dhe hotele (8.5%); gjëra dhe pajisje të tjera rekreative, kopshte dhe manare (7.9%); pije alkoolike, duhan (7.4%); pemë (6.8%); gjëra personale (6.1%); pije alkoolike (6.1%); vajra dhe yndyra (5.5%); ujë mineral, pije joalkoolike, lëngje nga pemët dhe perimet (5.3%); duhan (5.2%); pushime e organizuara (5.0%); shërbime rekreative dhe kulturore (4.5%); energji elektrike, gaz dhe lëndë të tjera djegëse (4.0%); pajisje të tjera të qëndrueshme për rekreacion dhe kulturë (3.5%); rekreacion dhe kulturë (2.6%); arsimi (2.3%); gazeta, libra dhe materiale për zyre (1.9%); shëndetësi (1.9%); shërbime financiare (1.8%); furnizim me ujë dhe shërbime të ndryshme që kanë të bëjnë me vendbanimin (1.4%); pagesa aktuale për banim (1.3%); veshje dhe këpucë (1.0%); transport (0.9%); shërbime telefonike dhe të telefonit (0.5%), me një ndikim të përbashkët të këtyre nëngrupeve prej 8.3 për qind në IHÇK.”/FolDrejt/
