Inflacioni në Japoni është rritur në nivelin e tij më të lartë në 40 vitet e fundit, pasi dobësimi i valutës vendore (jen) çoi në rritje çmimet e mallrave tashmë në mbarë botën, shkruan Al Jazeera, përcjell Fol Drejt.
Inflacioni bazë i konsumatorit, i cili përjashton çmimet e paqëndrueshme të ushqimeve të freskëta, u rrit me 3.6 për qind në tetor krahasuar me një vit më parë, treguan të premten të dhënat e qeverisë, ku u tha se ky është ritmi më i shpejtë i rritjes që nga viti 1982.
Ndërkohë, krahasuar me normat e inflacionit në ekonomitë si ajo e Mbretërisë së Bashkuar dhe Shteteve të Bashkuara, rritja e çmimeve tejkalon objektivin e inflacionit të Bankës së Japonisë dhe pason dekada të stagnimit në ekonominë e tretë më të madhe në botë.
Banka e Japonisë ka sfiduar prirjen globale të rritjes së normave të interesit, me Guvernatorin Haruhiko Kuroda që përsëriti këtë javë nevojën për të ruajtur stimulin për të mbështetur rimëkëmbjen e brishtë ekonomike të vendit nga pandemia COVID-19. Kuroda ka argumentuar se inflacioni mbi objektivin është i përkohshëm dhe kryesisht rezultat i çmimeve globale të mallrave.
Të dhënat ekonomike të publikuara në fillim të kësaj jave treguan se ekonomia e Japonisë u tkurr papritur me 0.3 për qind në tremujorin e tretë pas tre tremujorësh radhazi rritjeje, pasi konsumi privat ra.
Kryeministri japonez Fumio Kishida muajin e kaluar zbuloi një paketë stimuluese prej 260 miliardë dollarësh që synon të mbështesë ekonominë, duke përfshirë masat për të ndihmuar familjet të menaxhojnë kostot në rritje të energjisë.
Ndërsa politika e liberale e bankës qendrore ka ndihmuar në rritjen e fitimeve të firmave japoneze jashtë shtetit duke ulur vlerën e jenit, ajo ka kontribuar në rritjen e kostove të mallrave të importuara.
Monedha japoneze ra në nivelin më të ulët 32-vjeçar në tetor, duke arritur në 151 jen për një dollarë amerikan, megjithëse që atëherë ishte rikuperuar në rreth 140 jen që nga e premtja. /FolDrejt/
