“73 për qind e inflacionit mund të shpjegohet me çmimet e rënduara të energjisë dhe ushqimeve, të cilat janë përkeqësuar nga lufta në Ukrainë”, tha kryeministri Pedro Sanchez.
OVIEDO (AA) – Sipas të dhënave paraprake të publikuara nga Instituti Kombëtar i Statistikave të Spanjës, indeksi i çmimeve të konsumit në Spanjë është rritur në 9.8 për qind në mars krahasuar me muajin e njëjtë të vitit të kaluar, shkruan AA, transmeton Fol Drejt.
Kjo është rritja më e lartë në nivel vjetor që nga viti 1985.
“73 për qind e inflacionit mund të shpjegohet me çmimet e rënduara të energjisë dhe ushqimeve, të cilat janë përkeqësuar nga lufta në Ukrainë”, tha sot kryeministri Pedro Sanchez para parlamentit.
Edhe para luftës në Ukrainë, Spanja është përballur me çmimet në rritje. Në shkurt, inflacioni arriti në 7.6 për qind.
Të martën, guvernatori i Bankës së Spanjës, Pablo Hernandez de Cos e quajti leximin e inflacionit të marsit “veçanërisht negativ” dhe “një rritje shumë e konsiderueshme”.
Ai paralajmëroi se tregjet po parashikojnë që inflacioni do të vazhdojë dhe tha se ndikimi i luftës në Ukrainë do të nënkuptojë më shumë sesa thjesht rritje të çmimeve të ushqimit dhe energjisë.
“Ka pasur një rritje brutale të pasigurisë dhe pasiguria nuk është e mirë për të marrë vendime për investime apo konsum”, tha ai./FolDrejt/
