Trajneri i Interit, Simone Inzaghi tha sot se beson se skuadra e tij do të kualifikohet në gjysmëfinale të Ligës së Kampionëve, raporton AP.
Javën e kaluar Interi mundi Benfikën në Lisbonë në ndeshjen e parë çerekfinale të Ligës së Kampionëve me rezultat 2:0, ndërsa ndeshja e kthimit është nesër në orën 21:00 në Milano.
“Humbjet janë në të kaluarën. Duhet të fokusohemi në ndeshjen e nesërme. Na pret një lojë e rëndësishme dhe e vështirë. Pavarësisht rezultateve të këqija, ne nuk po luajmë keq. Ne ende po krijojmë shanse”, tha Inzaghi në konferencën për shtyp në Milano, transmeton Fol Drejt.
