Trajneri i klubit të futbollit Inter, Simone Inzaghi, ka thënë pas ndeshjes me Milanin se skuadra e tij ka ende shumë punë për të bërë për të arritur në finalen e Ligës së Kampionëve.
Sonte lojtarët e Interit kanë mundur skuadrën e Milanit me rezultat 2:0 në ndeshjen e parë të gjysmëfinales së Ligës së Kampionëve.
“Jam shumë i kënaqur, ishim të jashtëzakonshëm në 45 minutat e para, vërtet mund të kishim shënuar më shumë se dy gola. Megjithatë, jemi të vetëdijshëm se kjo është vetëm ndeshja e parë. Ne do të kemi tifozët tanë pas vetes në ndeshjen e dytë dhe Jemi të vetëdijshëm se na pret një përpjekje tjetër për të realizuar ëndrrën. Djemtë mbuluan çdo pjesë të fushës, ndihmuan njëri-tjetrin dhe të njëjtën gjë do ta bëjnë edhe në ndeshjen e dytë”, ka theksuar Inzaghi, transmeton Fol Drejt.
