Zonja Bowman dhe bashkëshorti i saj, artisti burmez Htein Lin, u dënuan me një vit burg në shtator për dyshimin se kishin shkelur Aktin e Emigracionit të vendit, shkruan Sky News, përcjell Fol Drejt.
Ish-ambasadorja e Mbretërisë së Bashkuar në Myanmar, Vicky Bowman, e cila u burgos për dyshime se ka shkelur ligjet e imigracionit, është liruar.
Zonja Bowman dhe bashkëshorti i saj, artisti burmez Htein Lin, ishin në mesin e një numri të të burgosurve që u amnistuan për të shënuar Ditën Kombëtare të Fitores së vendit.
Në shtator, dyshja u dënuan me një vit burg për “dështimin e regjistrimit si banues në një adresë tjetër” – një shkelje e Aktit të Emigracionit të vendit.
Zonja Bowman ishte ambasadorja britanike në Mianmar midis 2002 dhe 2006 dhe ka më shumë se tre dekada përvojë në vend.
Në kohën e ndalimit të tyre, ajo drejtonte një organizatë që promovon praktikat etike të biznesit në Mianmar.
Burgosja e shtetasve të huaj kishte qenë një burim fërkimi midis liderëve të Mianmarit dhe qeverive të tyre të origjinës, të cilat kishin lobuar për lirimin e tyre.
Sipas Shoqatës së Ndihmës për të Burgosurit Politik, një organizatë monitoruese e të drejtave, 16,232 persona janë arrestuar me akuza politike në Mianmar që kur ushtria përmbysi qeverinë e zgjedhur në mënyrë demokratike të Aung San Suu Kyi në shkurt të vitit të kaluar.
Nga të arrestuarit, 13,015 ishin ende në paraburgim që nga e mërkura, raportoi AAPP, dhe të paktën 2,465 civilë janë vrarë nga forcat e sigurisë në të njëjtën periudhë. /FolDrejt/
