Prokuroria Themelore në Gjilan, Departamenti për Krime të Rënda, njofton se pas hetimeve disa mujore në bashkëpunim Policinë e Kosovës, ka ndaluar për 48 orë ish drejtorin i Urbanizmit ne Komunën e Gjilanit.
Ish-drejtori me inicialet B.B, dyshohet se ka kryer veprën penale Keqpërdorimi i pozitës apo i autoritetit zyrtar.
“I njëjti, në cilësinë e drejtorit të Urbanizmit në Komunën e Gjilanit, ka lëshuar leje të ndërtimit pa u plotësuar kushtet ligjore”, thuhet në komunikatën për media. /Telegrafi/
