Është hera e parë që dikush që e ka palcën kurrizore të dëmtuar ka mundur të ecë lirshëm. Një teknologji e re, një impiant i zhvilluar nga një ekip studiuesish zviceranë ka përmirësuar shëndetin e një pacienti tjetër të paralizuar deri në atë masë sa ai ka mundur të bëhet baba.
Hulumtimi është publikuar në revistën “Nature Medicine”. Michel Roccati u paralizua pas një aksidenti me motor pesë vjet më parë. Palca e tij kurrizore ishte e dëmtuar.
Praktikisht Roccati nuk i ndjente këmbët e tij raporton gazetari Pallab Ghosh i “BBC-së”.
Impianti i është vendosur në palcën e tij dhe tani ai mund të ecë. E takova Michelin në laboratorin ku u krijua implanti. Ai më tha se teknologjia “është një dhuratë për mua”.
“Unë ngrihem në këmbë, eci ku të dua, mund të ngjisi shkallët dhe kjo është pothuajse një jetë normale”. Nuk ishte vetëm teknologjia që nxiti rimëkëmbjen e Michel. I riu italian ka një vendosmëri të fortë. Më tha që në momentin e aksidentit që ishte i vendosur të bënte sa më shumë përparim.
“Unë boksoja, vrapoja dhe bëja stërvitje fitnesi në palestër. Por pas aksidentit, nuk munda të bëja gjërat që më pëlqente të bëja, por nuk e lashë humorin tim. Nuk e ndalova kurrë rehabilitimin tim. Unë doja ta zgjidhja këtë problem”.
“Isha jashtëzakonisht e befasuar,” tha ajo. “Michel është absolutisht i jashtëzakonshëm.
Hulumtimi është mbështetur nga doktor Ram Hariharan, një konsulent në Spitalin e Përgjithshëm Verior në Sheffield. “Ata kanë bërë diçka që nuk është bërë më pare”. Por ai shtoi se duheshin kryer më shumë prova klinike.
Deri më tani nëntë persona kanë marrë implantin dhe kanë rifituar aftësinë për të ecur.
David M’zee ishte një nga pacientët e parë që mori implantin. Ashtu si Michel, ai ishte në gjendje të ecte me implantin. Shëndeti i David u përmirësua në një masë të tillë që ai mundi të lindte një vajzë me partneren e tij Janine, diçka që nuk ishte e mundur pas aksidentit të tij në 2010. Ka ende shumë për të bërë përpara se teknologjia të përdoret në mënyrë rutinore për të ndihmuar njerëzit e paralizuar të ecin, sipas profesorit Grégoire Courtine, i cili drejtoi ekipin që zhvilloi teknologjinë në Ecole Polytechnique Fédérale de Lausanne. / FolDrejt/
