Është identifikuar pas 8 ditësh viktima që u gjet i mbytur në plazhin e fshatit Ndërnënas, Fier.
Sipas policisë, viktima është A. B., 40 vjeç, banues në Durrës. Ky person ishte shpallur në kërkim në datë 10.07.2022 nga Komisariati i Policisë Durrës për largim nga banesa.
Njoftimi:
Në vijim të informacionit paraprak të dhënë në datë 13.07.2022, ku në plazhin e fshatit Ndërnënas, Fier, në breg të detit, është gjetur i pajetë, një shtetas rreth 40 vjeç, është bërë i mundur identifikimi i tij, shtetasi A. B., 40 vjeç, banues në Durrës, i cili është shpallur në kërkim në datë 10.07.2022 nga Komisariati i Policisë Durrës për largim nga banesa./abcnews.al/
