Presidenti rus Vladimir Putin dhe ai kinez Xi Jinping nënshkruan dje një deklaratë të përbashkët për thellimin e partneritetit dhe bashkëpunimit strategjik, në të cilën theksohej se marrëdhëniet ruso-kineze janë gjithëpërfshirëse, strategjike dhe “në nivelin më të lartë në histori”, shkruajnë mediat e huaja, përcjell Fol Drejt.
Instituti për Studimin e Luftës deklaroi në raportin e tij të fundit se angazhimet e marra nga Xi dhe Putin janë “dukshëm të njëanshme”. Xi vlerësoi Putinin dhe përforcoi pozicionin e Kinës për një zgjidhje politike të luftës në Ukrainë, por nuk shkoi shumë më larg se ato deklarata.
“Putini, në të kundërt, ka njoftuar një sërë masash që sinjalizojnë orientimin dhe varësinë e vazhdueshme të Rusisë nga Kina në sektorët e energjisë dhe ekonomisë, të cilat duken shumë të njëanshme në krahasim me angazhimet relativisht të moderuara të Xi,” tha ISW.
“Xi ka sinjalizuar se ai nuk ka ndërmend të mbështesë luftën e Rusisë në Ukrainë përtej garancive të paqarta diplomatike, të cilat ka të ngjarë të jenë më pak se sa shpresonte Putini të siguronte në negociata.” “Putini ndoshta ka dështuar të sigurojë saktësisht llojin e partneritetit që ai ka nevojë dhe dëshiron, dhe Xi ka të ngjarë të largohet nga Moska pasi të ketë siguruar garanci që janë më të njëanshme sesa synonte Putini,” pretendon ISW. /FolDrejt/
