Autoritetet në SHBA kanë kthyer më shumë se 250 artefakte të punuara me dorë të vjedhura nga Italia, të cilat u janë shitur muzeve dhe koleksionistëve në të gjithë SHBA-në në vitet 1990, shkruan AA, transmeton Fol Drejt.
Sipas një raporti të BBC-së, disa nga antikitetet si enë, piktura dhe skulptura të kthyera në Itali janë deri në 3.000 vjet të vjetra.
Disa nga mozaikët mes punimeve vlerësohen në disa milionë euro.
Bëhet fjalë për artefakte që u vodhën në Itali në vitet 1990 dhe u shitën muzeve dhe koleksionistëve në SHBA përmes ankandeve.
