Policia në Klinë ka arrestuar dy persona të dyshuar për shpërndarje dhe shitje të paautorizuar të narkotikëve të rrezikshëm dhe substancave narkotike psikotrope
Kjo është bërë e ditur përmes një njoftimi për media nga zyra për informim e policisë së Pejës.
“Policia e Kosovës, konkretisht Njësitet policore të stacionit policor në Klinë, me datën 11.04.2020. rreth orës 12:00 në në fshatin Caravikë kanë ndaluar automjetin ‘Golf –IV-’ me targa 02-229-CS. dhe gjatë kontrollit të 2(dy) personave që ishin në makinë është gjetur sasi narkotikësh”, thuhet në njoftimin e policisë.
Ndërkaq bëhet e ditur se dy të dyshuarit janë shoqëruar në stacionin policor në Klinë për të zhvilluar procedurat ligjore ndaj tyre.
“Është konfiskuar sasia e gjetur e substancës narkotike e llojit Marihuan me peshë prej 1.069 gram (me mbështjellës). Lidhur me ketë është njoftuar prokurori i shtetit, i cili ka urdhëruar ndaj të dyshuarve caktimin e masës, ndalim policor prej 48 orë”, theksohet në njoftim
