1.1 milionë palestinezë që jetojnë në Rripin e Gazës, janë urdhëruar nga Izraeli të shpërngulen për në jug, shkruan Fol Drejt.
“Frikë dhe konfuzion në Gaza pasi ushtria izraelite u thotë më shumë se 1 milion palestinezëve të bllokuar që jetojnë në veri të enklavës së rrethuar, të lëvizin në jug brenda 24 orëve përpara ofensivës së pritshme tokësore” – raporton Al Jazeera.
OKB thotë se zhvendosja masive “e pamundur”, mund të ketë pasoja shkatërruese, ndërsa Hamasi këtë e quan “propagandë të rreme”.
Mediat raportojnë se së fundi ushtria izraelite ka përdorur fosfor të bardhë në operacionet e tyre të vazhdueshme ushtarake në Gaza dhe Liban, duke i vënë civilët në rrezik serioz, ka thënë Human Rights Watch, pas një analize të videos së konfliktit.
Human Rights Watch tha se verifikoi pamjet e marra në Libani dhe Gaza të martën dhe të mërkurën, respektivisht, duke treguar përdorime të shumta të fosforit të bardhë të gjuajtur nga artileria mbi portin e qytetit të Gazës dhe dy vendndodhje rurale përgjatë kufirit Izrael-Liban.
Disa zyrtarë amerikanë kanë udhëtuar drejt Lindjes së Mesme, për të shprehur solidaritet me Izraelin si dhe për të lobuar në lirimin e pengjeve amerikane, që po mbahen nga Hamasi.
Sekretari amerikan i Mbrojtjes Lloyd Austin ka mbërritur në Izrael për një vizitë që synon të tregojë solidaritet me izraelitët. Ndërsa në anën tjetër, Anthony Blinken ka udhëtuar drejt Jordanisë, ndërsa synon të realizojë një seri vizitash në shtetet përreth Izraelit, ndër të tjera për të lobuar edhe për lirimin e pengjeve amerikane./FolDrejt/
