Shoqata e të Burgosurve Palestinezë njoftoi se ushtria izraelite ka arrestuar 880 fëmijë palestinezë që nga fillimi i këtij viti.
“Më shumë se 200 fëmijë janë ende në paraburgim, duke përfshirë 26 të mbajtur nën politikën e ndalimit administrativ të Izraelit”, tha shoqata në një deklaratë për shënimin e Ditës Botërore të Fëmijëve, duke iu referuar politikës izraelite të ndalimit pa akuza apo proces gjyqësor, shkruan AA, përcjell Fol Drejt.
Sipas deklaratës, rreth 145 fëmijë palestinezë u arrestuan nga forcat izraelite muajin e kaluar.
Izraeli ka nisur sulme të pamëshirshme ajrore dhe tokësore në Rripin e Gazës pas një sulmi ndërkufitar nga Hamasi më 7 tetor.
Që atëherë, të paktën 13 mijë palestinezë janë vrarë, duke përfshirë mbi 9 mijë gra dhe fëmijë, ndërsa më shumë se 30 mijë të tjerë janë plagosur.
Izraeli ka vendosur gjithashtu një bllokadë shkatërruese ndaj territorit palestinez, duke ndërprerë Gazën nga furnizimet me karburant, energji elektrike, ujë dhe duke reduktuar dërgesat e ndihmave në një sasi shumë të vogël.
Sipas shifrave zyrtare, numri i të vdekurve izraelitë është rreth 1200.
