Ushtria izraelite do të izolojë territoret palestineze të martën pasi qytetarët izraelitë do të votojnë në zgjedhjet parlamentare të vendit.
Ushtria izraelite tha në një deklaratë se të gjitha pikat kufitare midis Izraelit, Bregut Perëndimor dhe Rripit të Gazës do të mbyllen gjatë ditës së zgjedhjeve, shkruan AA, transmeton Fol Drejt.
Mbyllja 24-orëshe është caktuar të fillojë në orën 00:01 të mëngjesit me orën lokale dhe pritet të zgjasë deri në orën 23:59.
Ushtria izraelite tha se pikat kufitare do të rihapen “në varësi të një vlerësimi të situatës”.
Mbylljet e tilla janë praktikë standarde gjatë festave hebraike dhe zgjedhjeve, ndërsa ushtria izraelite i quan masa parandaluese. Të gjitha lejet e hyrjes të marra nga punëtorët palestinezë pezullohen gjatë izolimit.
Zgjedhjet parlamentare të së martës do të jenë të pestat në Izrael në më pak se katër vjet./FolDrejt/