Ministria e Mbrojtjes e Izraelit njoftoi se shteti do të blejë një skuadrilje të tretë të avionëve luftarakë F-35 në periudhën e ardhshme, e cila duhet të forcojë aviacionin e Forcave të Mbrojtjes të Izraelit (IDF), raporton Klix, përcjell Fol Drejt.
Siç u theksua, kompania Lockheed Martin do të shtojë edhe 25 avionë shtesë, me çka numri i porosive për Izraelin do të rritet në 75 avionë.
“Marrëveshja kap vlerën e tre miliardë dollarëve dhe do të financohet përmes paketës së ndihmës mbrojtëse që Izraeli merr nga Shtetet e Bashkuara të Amerikës”.
Meqë ra fjala, Izraeli ishte vendi i parë, me përjashtim të ShBA-së, që bleu avionë F-35. Në maj 2018, kreu i forcave ajrore të vendit tha se Izraeli i përdor këta avionë në luftime. Këtyre avionëve në ushtrinë izraelite iu dha emri i veçantë “Adir” që do të thotë i fuqishëm në hebraisht.
Ministria izraelite e Mbrojtjes shtoi se Locheed Martin dhe prodhuesi i motorëve Pratt & Whitney ranë dakord të përfshijnë kompani izraelite në prodhim. /FolDrejt/
