Në kohën kur Kosova dhe Bosnja e Hercegovina njihen për shtete të vogla dhe për shumë ministri, tashmë qeveria e re e Albin Kurtit mendon të reformojë këtë sistem, informon foldrejt.com.
Deputetja nga radhët e VV, Albulena Haxhiu, të mërkurën u shpreh që në takimin e dytë mes dy partive më të mëdha të Kosovës është rënë dakort për 12 ministri dhe jo më shumë se 30 zv.ministra.
“Që pas 6 tetorit kur përfundoi procesi zgjedhor, jemi angazhuar për të pasur takime me LDK-në, duke u bazuar edhe në rezultatin e zgjedhjeve ku qytetarët dërguan sinjale se cilat subjekte i duan që të qeverisin me vendin. Rezultatet e zgjodhën VV-në fituese, por në përgjithësi opozitën e kaluar. Siç kemi thënë, konsiderojmë se opozita e kaluar duhet të jetë qeverisja e ardhshme”, ka thënë ajo.
“Ka pas takim edhe të krerëve. Janë dakorduar për formimin e grupeve punuese Në dy takimet isha prezente. Pati atmosferë jashtëzakonisht optimiste e pozitive. Sot jemi dakorduar për formatin e qeverisë, strukturën se si do të duket qeveria Kurti, për numrin e ministrive. Sot u definua se do të jenë vetëm 12 ministri. I kemi pasqyruar se si do të duken. S’do të ketë më shumë se 27 ministra, e jo afër 100 sa ishin. Kemi caktuar që të mos ketë më shumë se 30, por numri 27 është përmendur”.
Por pritet katër ministri të kenë shumë kompetenca, si ajo e jashtme dhe e brendshme./Foldrejt.com
