Jack Nicholson e fitoi çmimin oskar për rolin kryesor në filmin “As Good as It Gets”, gjë që nuk ishte për herë të parë, shkruan Fol Drejt.
“I krisuri” Nicholson është laureuar me çmime prestigjioze nga industria e filmit, për realizimin e shkëlqyer të roleve të ndryshme, por këtë herë ai vlerësohej për përmbushjen e karakterit të një shkrimtari idhnak, mizantrop e të izoluar.
Fjalimi i tij në vijim, përmban nota humori – një “defekt” i tij profesional, dhe falënderimi për miqtë dhe kolegët.
Viti: 1997 Çmimet e 70-ta të Akademisë
Kategoria: Aktori më i mirë në një rol kryesor
Titulli i filmit: As Good as It Gets
Fituesi: Jack Nicholson
Prezantuesi: Frances McDormand
Data & Vendi: 23 Mars 1998; Shrine Auditorium & Expo Center
Fjalimi i JACK NICHOLSON:
Ju faleminderit shumë anëtarëve të Akademisë për këtë, dhe të nominuarve të tjerë, disa prej tyre janë miqtë e mi shumë të mirë. Dhe unë jam i nderuar të jem në çdo listë me ju, Bobi, Dusty, dhe ti dhe babai yt, zoti Damon, shoku im i vjetër i biçikletës, Fonda.
Jemi shumë krenarë për realizimin. Kishim sikur…, nuk e di, gjatë gjithë natës, deri këtu, kisha ndjesinë e një fundosjeje. Diçka në lidhje me të… Kishim Jim Brooks, Maria Kavanaugh, Kristi Zea, Bridget Johnson, Peter Andros*, Laura Ziskin, aq shumë producentë për realizimin filmik sa që nuk i mbaj mend të gjithë. Z. Andrus dhe z. Brooks shkruan skenarin, aktorët Miss Hunt, z. Kinnear, Cuba Gooding, Skeet Ulrich, Shirley Knight — E di që Gil Cates ka filluar të djersitet përsëri atje, tani nuk është ai, Bill, apo jo, ai? Të vazhdoj me të? Në rregull. Sigurisht. Do të doja t’i falënderoja të gjithë këtu sonte që duken kaq mirë. Do të doja t’ia kushtoja këtë Miles Davis, Robert Mitchum, Shorty Smith, Joe Vitrano*, Ray Kramer, Rupert Crosse, J.T. ëalsh dhe Luana Anders. Ata nuk janë më këtu, por janë në zemrën time. Dhe unë ju falënderoj shumë./LeonoraHajra/FolDrejt/
