Policia e Kosvës në raportin e saj mbi ditën e djeshme ka numëruar gjithsej gjashtë raste te dhunës në familje në komuna të ndryshme të Kosovës si: Mitrovica, Gjakova, Suhareka, Prizreni, Gjilani e Graqanica
Sipas informatave të përcjella të denoncuarit mbi raste të dhunës në familje janë kryesisht meshkuj, ndërsa viktimat janë femra. Përjashtim bëjnë rasti në Gjakovë dhe në Mitrovicë, meqë në të parin viktima është mashkull, ndërsa e dyshuara është femër kosovare, ndërsa në rastin e dytë, pra në Mitrovicë, të dyshuarit për dhunë ndaj paditëses kosovare i është gjetur dhe sekuestruar 50.9 gramë substancë e dyshuar narkotike e llojit Kokainë, transmeton Fol Drejt.
Policia nuk ka dhënë më gjerësisht detaje mbi raportin midis viktimave dhe të denoncuarve, por është theksuar se të dy palët janë intervistuar, ndërsa teksa viktimat kanë pranuar tretman mjekësor, të dyshuarit janë dërguar në paraburgim prej 24 deri në 48 orë.
Ky është raporti i plotë i Policisë së Kosovës:
Mitrovicë 06.06.2022 – 12:30. Ankuesja kosovare ka njoftuar se i dyshuari mashkull kosovar është duke ushtruar dhunë psikike dhe fizike ndaj saj. I dyshuari mashkull kosovar është arrestuar dhe gjatë kontrollit në shtëpinë e tij është gjetur dhe sekuestruar 50.9 gramë substancë e dyshuar narkotike e llojit Kokainë. Me vendim të prokurorit i dyshuari pas intervistimit është dërguar në mbajtje.
Gjakovë 05.06.2022 – 17:00 Është arrestuar e dyshuara femer kosovare e cila kishte kanosur viktimën mashkull kosovar. Lidhur me rastin është kontaktuar prokurori kujdestar dhe në konsultim me të pas intervistimit e dyshuara është liruar në procedurë të rregullt.
Suharekë 06.06.2022 – 11:06. Është arrestuar i dyshuari mashkull kosovar për shkak se në shtëpinë e tij kishte ushtruar dhunë fizike ndaj dy viktimave femra kosovare. Si pasojë e dhunës viktimat kanë pësuar lëndime dhe kanë pranuar tretman mjekësor. I dyshuari pas intervistimit me vendim të prokurorit është dërguar në mbajtje për 48 orë
Prizren 06.06.2022 – 14:20. Është arrestuar i dyshuari kosovar për shkak se kishte ushtruar dhunë fizike ndaj viktimës femër kosovare. Viktima ka pranuar tretman mjekësor ndërsa i dyshuari pas intervistimit me vendim të prokurorit është dërguar në mbajtje.
Gjilan 06.06.2022 – 13:00. Është arrestuar i dyshuari mashkull kosovar për shkak se në shtëpi kishte ushtruar dhunë fizike ndaj viktimës femër kosovare. Si pasojë e dhunës viktima ka pësuar lëndime dhe kanë pranuar tretman mjekësor. I dyshuari pas intervistimit me vendim të prokurorit është dërguar në mbajtje për 24 orë.
Graqanicë 05.06.2022 – 20:54. Është arrestuar i dyshuari mashkull kosovar për shkak se kishte ushtruar dhunë fizike ndaj viktimës femër shqiptare shtetase e huaj e cila si pasojë e dhunës ka pranuar tretman mjekësor. I dyshuari pas intervistimit me vendim të prokurorit është dërguar në mbajtje./FolDrejt/
