Drejtori i Agjencisë Ndërkombëtare të Energjisë Bërthamore të OKB-së (IAEA), Rafael Grossi, u takua sot me banorët në zonën verilindore të Fukushimës, të shqetësuar për sigurinë e planit të qeverisë japoneze për të lëshuar ujë të pastruar radioaktiv nga termocentrali bërthamor i shkatërruar në Oqean.
Plani për çlirimin e ujit radioaktiv nga Fukushima, i miratuar nga IAEA, thotë se lëshimi i ujit do të kishte një ndikim të papërfillshëm në mjedis, raportoi Reuters.
Sindikatat e peshkimit të Japonisë e kanë kundërshtuar prej kohësh planin dhe paralajmërojnë se ai do të zhbëjë përpjekjet për të riparuar dëmtimin e eksporteve të ushqimit japonez për shkak të frikës nga rrezatimi, megjithëse Japonia teston rregullisht kapjet e peshkut dhe ushqimeve të detit të kapur në zonën e Fukushimës dhe thotë se ato janë të sigurta për konsum./FolDrejt/
