Një tajfun i fuqishëm goditi pjesën jugore të Japonisë duke sjellë erëra të fuqishme në zonën e prefekturës Okinawa, raportuan mediat lokale të enjten.
Agjencia Meteorologjike e vendit ngriti paralajmërimin e saj të mëparshëm nga tajfun “shumë i fortë” në tajfun “të dhunshëm” Hinnamnor, duke shtuar se ajo mund të shkaktojë stuhi të forta dhe baticë të lartë në Okinawa, raportoi agjencia e lajmeve Kyodo, shkruan AA, transmeton Fol Drejt.
Ky është tajfuni i 11-të i këtij viti në Japoni.
Deri më tani nuk është raportuar për dëme në zonë.
Ndërkohë, agjencia e motit të Koresë së Jugut lëshoi gjithashtu paralajmërim për një tajfun super të fortë që pritet t’i afrohet Gadishullit Korean javën e ardhshme.
Sipas Agjencisë Meteorologjike të Koresë (KMA), tajfuni Hinnamnor mund të lëvizë me shpejtësi drejt veriut për të arritur në jug të qytetit port jugor Jeju të Seogwipo deri të martën e ardhshme, njoftoi agjencia e lajmeve Yonhap.
Agjencia parashikoi se tajfuni mund të shkaktojë një stuhi me një shpejtësi maksimale të erës prej 44-54 metra në sekondë dhe mund të lëvizë njerëz ose gurë të mëdhenj, thuhet në raport./FolDrejt/
