Sekretarja e Brendshme britanike Suella Braverman sot ka dhënë dorëheqjen, vetëm gjashtë javë pas emërimit të saj.
Dorëheqja nga Braverman erdhi mes kritikave në rritje kundër kryeministres Liz Truss për shkak të kthesave në politikat kryesore që ajo kishte shpallur javë më parë dhe shkarkimit të shefit të Thesarit Kwasi Kwarteng, shkruan AA, transmeton Fol Drejt.
Braverman raportohet se ka dhënë dorëheqjen për shkak të një incidenti specifik në lidhje me ndarjen gabimisht të informacioneve delikate në telefonin e saj personal dhe i është kërkuar të japë dorëheqjen për shkelje të kodit ministror.
Me dorëheqjen e Braverman-it, Liz Truss tani ka humbur dy nga ministrat e saj kryesorë brenda një jave./FolDrejt/
