Boris Johnson i ka thënë presidentit të Ukrainës se po planifikon që gjatë takimeve të ditës së nesërme me liderët botërorë t’iu bëjë thirrje të shtojnë presionin ndaj regjimit të Vladimir Putinit.
Johnson i dha garanci Volodymyr Zelenskyt se Mbretëria e Bashkuar do të vazhdojë të ofrojë mbështetje për Ukrainën, raporton skynews.
“Presidenti Zelensky përditësoi zhvillimet e fundit në terren dhe kryeministri përsëriti admirimin e tij për trimërinë e forcave të armatosura ukrainase dhe suksesin e tyre në zmbrapsjen e sulmit të Rusisë”, tha një zëdhënës qeverisë britanike.
I spoke to President @ZelenskyyUa and reiterated the UK’s horror at the bombardment of Ukraine and admiration for his armed forces.
At tomorrow’s G7 & NATO meetings I’ll be urging international partners to send more defensive lethal aid to Ukraine and step up pressure on Putin. pic.twitter.com/g5jWRLYBTp
— Boris Johnson (@BorisJohnson) March 23, 2022
Ai tha se bombardimi i zonave civile, duke përfshirë rrethimin e Mariupolit, është i pandërgjegjshëm dhe kërkon një përgjigje nga komuniteti ndërkombëtar.
“Kryeministri vendosi synimin e tij për të përdorur takimet e nesërme të G7 dhe NATO-s për të rritur presionin mbi regjimin e Vladimir Putinit dhe rrit ndjeshëm ndihmat me armatim për Ukrainën”, tha ai.
Ai shtoi se të dy liderët kishin rënë dakord të qëndronin në kontakt të ngushtë në ditët në vijim.
