Juventus thuhet se do të përballet me konkurrencë të ashpër nga Bayern Munich në garën për nënshkrim e talentit të Atalantës, Giorgio Scalvinit.
Scalvini është shfaqur si një nga mbrojtësit e rinj më premtues të Italisë në sezonin e fundit, duke tërhequr vëmendjen e Juventusit.
Bianconerët mendojnë se ai ka potencialin për t’u bërë një lojtar i klasit botëror, por ata nuk janë skuadra e vetme e interesuar për nënshkrimin e tij për momentin. Interi është rivali i tyre më i madh për nënshkrimin e tij.
Tani, edhe Bayern Munich është hedhur në grupin e kërkuesve pas shërbimeve të tij. Kështu thuhet në një raport të Football Italia, i cili pretendon se Bayern Munich e ka monitoruar atë dhe dëshiron ta sjellë atë në Bundesligën gjermane, transmeton Fol Drejt.