Sipas Gianluca Di Marzio përmes JuventusNews24, bardhezinjtë janë ende duke e vëzhguar nga afër Emil Holm, shkruan Goal, përcjell Fol Drejt.
Pas largimit të mundshëm të Juan Cuadrado, Bianconerët do të jenë në kërkim të një mbrojtësi të ri të djathtë gjatë verës dhe lojtari i Spezias mund të jetë i duhuri.
22-vjeçari iu bashkua Spezias verën e kaluar dhe ka shkëlqyer si mbrojtës i krahut të djathtë në skuadrën e Luca Gotti. Këtë sezon, mbrojtësi anësor ka bërë 18 paraqitje në Serie A, duke shënuar një gol dhe duke asistuar dy herë. /FolDrejt/
