Zyra e presidentit të Finlandës, Sauli Niinisto, bëri të ditur se Finlanda të martën do të bëhet zyrtarisht anëtare e aleancës së NATO-s, ndërsa reagimet e para erdhën edhe nga Rusia, raporton Klix, përcjell Fol Drejt.
Zëvendësministri rus i Punëve të Jashtme Aleksandar Grusko deklaroi se Rusia do të forcojë potencialin e saj ushtarak në përgjigje të anëtarësimit të Finlandës në NATO.
“Rusia do të forcojë potencialin e saj ushtarak në drejtimet perëndimore dhe veriperëndimore në përgjigje të anëtarësimit të Finlandës në NATO. Disa nga masat tashmë janë shpallur. Ne do të forcojmë potencialin tonë ushtarak në drejtimet perëndimore dhe veriperëndimore. Në rastin e vendosjes së forcat dhe asetet e anëtarëve të tjerë të NATO-s në territorin e Finlandës, ne do të ndërmarrim hapa shtesë për të garantuar me siguri sigurinë ushtarake të Rusisë”, tha Grushko.
Sekretari i Përgjithshëm i NATO-s Jens Stoltenberg tha sot se Finlanda do t’i bashkohet Aleancës brenda pak ditësh pas vendimit të Turqisë për të ratifikuar anëtarësimin e saj.
Kujtojmë se kushtet për anëtarësimin e Finlandës në aleancën e NATO-s u plotësuan pasi parlamentet e Hungarisë dhe Turqisë miratuan anëtarësimin. Pasi Parlamenti i Turqisë miratoi pranimin, presidenti Recep Tayyip Erdogan nënshkroi vendimin. /FolDrejt/
