Kanadaja njoftoi për një paketë të re të ndihmës mbrojtëse për Ukrainën me vlerë 34 milionë dollarë kanadezë (rreth 26 milion USD), shkruan Ukrinform, përcjell Fol Drejt.
Thuhet se Kanadaja do të përdorë 5 milionë dollarë nga fondet e përmendura për t’i siguruar Forcave të Armatosura imazhe moderne satelitore, 18 milionë dollarë për kamera me rezolucion të lartë për mjete ajrore pa pilot dhe 10 milionë dollarë të mbetur për pajisje dimërore, duke përfshirë ngrohje portative, batanije, dhe çanta gjumi.
Ministria e Mbrojtjes theksoi se e ka formuar paketën në bazë të kërkesave direkte që kanë ardhur nga Ukraina.
Duhet të kujtojmë se më herët, Kanadaja njoftoi zgjatjen deri në fund të vitit të ardhshëm të misionit të saj të trajnimit për rekrutët ukrainas në tokën britanike.
Që nga pushtimi i plotë rus i Ukrainës, shuma totale e ndihmës ushtarake kanadeze për Ukrainën tashmë ka tejkaluar 1 miliard dollarë. /FolDrejt/
