Kanadaja do të sigurojë 500 milionë dollarë kanadezë (afërsisht 400 milionë dollarë amerikanë) ndihmë ushtarake shtesë për Ukrainën. Deklarata përkatëse është bërë nga kryeministri kanadez Justin Trudeau, raporton korrespondenti i Ukrinform, duke iu referuar Zyrës së Kryeministrit, përcjell Fol Drejt.
“Kanadaja do të ofrojë 500 milionë dollarë ndihmë ushtarake shtesë për Ukrainën, për të ndihmuar Forcat e Armatosura të Ukrainës në mbrojtjen e vendit të tyre kundër pushtimit brutal dhe të pajustifikueshëm të Rusisë”, thuhet në raport.
Sipas Zyrës së Kryeministrit, këto fonde do të shkojnë për pajisjet ushtarake, të mbikqyrjes dhe komunikimit, karburantet dhe furnizimet mjekësore.
“Ndërsa Rusia vazhdon pushtimin e saj brutal, të pajustifikueshëm të Ukrainës, Kanadaja do të vazhdojë të qëndrojë krah për krah me popullin ukrainas dhe aleatët tanë, në mbrojtje të vlerave tona të përbashkëta të paqes, demokracisë dhe të drejtave të njeriut”, theksoi Zyra e Kryeministrit.
Një kujtim se, si pjesë e sanksioneve ekonomike anti-ruse, më shumë se 412 milionë dollarë kanadezë (afërsisht 330 milionë USD) u bllokuan në Kanada. /FolDrejt/
