Kanadaja do të vendosë 15 tanke “Leopard 2A4M” në Letoni, si pjesë e përpjekjeve të NATO-s për të ndërtuar një brigadë të gatshme luftarake në atë vend që kufizohet me Rusinë, njoftoi sot ministrja kanadeze e Mbrojtjes Anita Anand.
“Kjo do të rrisë ndjeshëm aftësitë e grupit të betejës së NATO-s të udhëhequr nga Kanadaja në Letoni, duke siguruar aftësinë e tij të vazhdueshme për të mbrojtur krahun lindor të aleancës sonë,” tha Anand, duke folur me gazetarët në Bruksel.
“Më lejoni të jem i qartë. Kanadaja dhe të gjithë aleatët e NATO-s do të mbrojnë çdo pëllëmbë të territorit të NATO-s dhe ne po vendosim aftësitë dhe personelin e nevojshëm për të përmbushur këtë premtim”, shtoi Anand, raporton Reuters, përcjell Fol Drejt.
