I pamundur aksesi në Instagram dhe WhatsApp në disa zona ku po zhvillohen protesta, probleme me telefonin.
Situata ka dalë jashtë kontrollit me protestat më të mëdha në vite, me rastin e vdekjes së 22-vjeçares Makhsa Amini, shkruan protothema, transmeton Fol Drejt.
Irani mbetet në gatishmëri të lartë pas protestave që shpërthyen në rreth 50 rajone të vendit pas 13 shtatorit, kur 22-vjeçarja Mahsha Amini nga Kurdistani iranian u rrëmbye në Teheran nga burra të policisë fetare për shkak të… flokët i dilnin jashtë hixhabit që mbante. Sipas denoncimeve të bëra, Amini është sulmuar dhunshëm në furgonin që e ka “tërhequr zvarrë”, por edhe në qendrat e paraburgimit, ku është dërguar, si pasojë, kur është liruar, është rrëzuar dhe ka ndërruar jetë pak kohë më pas.
Reagimet dhe demonstratat e nisura që nga ajo kohë kanë çuar në përplasje të ashpra mes qytetarëve dhe forcave të sigurisë, me pasojë situatën aktualisht jashtë kontrollit.
Këto janë demonstratat më të mëdha në vite, me mijëra gra që djegin shamitë e tyre dhe presin flokët . Të enjten, autoritetet iraniane dhe një grup kurd i të drejtave të njeriut raportuan një rritje të numrit të vdekjeve, ndërkohë që u vendosën kufizime në mediat sociale.
Iran: Gratë djegin hixhabet e tyre pas vdekjes së 22-vjeçares Mahsa Amini nga policia e moralit
Mediat iraniane dhe një prokuror lokal thanë se katër persona ishin vrarë në dy ditët e fundit, duke e çuar numrin total të të vdekurve sipas burimeve zyrtare në tetë, duke përfshirë një pjesëtar të policisë dhe një pjesëtar të një milicie pro-qeveritare.
Raportet nga grupi kurd i të drejtave Hengaw, të cilat Reuters nuk mundi t’i verifikonte, thanë se 10 protestues ishin vrarë. Tre vdiqën të mërkurën, duke iu shtuar shtatë personave që grupi tha se ishin vrarë nga forcat e sigurisë që nga fillimi i përleshjeve.
Në të njëjtën kohë, zyrtarët mohojnë se forcat e sigurisë kanë vrarë protestues, duke sugjeruar se ata mund të jenë qëlluar nga forcat e armatosura kundër regjimit.
“Ra” interneti, nuk ka akses në rrjetet sociale dhe problem me telefoninë
Pa shenja të uljes së protestave, autoritetet kufizuan aksesin në internet, sipas dëshmive të Hengaw, banorëve dhe observatorit NetBlocks.
Konkretisht, sipas raportimeve, qeveria iraniane ka vazhduar të bllokojë aksesin në internet në zonat e vendit ku po zhvillohen protesta, duke rezultuar që banorët në Teheran dhe qytete të tjera të mos kenë mundësi të shfletojnë.
Qasja në Instagram dhe WhatsApp është gjithashtu e pamundur. Ndërkohë, Al Jazeera, duke cituar vëzhguesin e internetit NetBlocks, raporton se një nga ofruesit më të mëdhenj të telefonisë celulare është mbyllur, duke lënë jashtë linje miliona iranianë./FolDrejt/
