Trajneri i Real Madridit, Carlo Ancelotti, ka mbrojtur kapitenin e Portugalisë, Cristiano Ronaldo dhe thotë se ai kurrë nuk ka pasur ndonjë problem me superyllin.
Ancelotti ka dalë në mbrojtje të Ronaldos, i cili është në mes të një sezoni të turbullt. Sulmuesi është larguar nga Manchester United pas një interviste shpërthyese ku kritikoi klubin dhe menaxherin Erik ten Hag. Superylli ka pasur probleme edhe në Botëror. Ronaldo u ul në stol kundër Zvicrës nga trajneri Fernando Santos që pranoi se nuk i pëlqente reagimi i tij për të zëvendësuar kundër Koresë së Jugut dhe duhej të shihte zëvendësuesin e tij Goncalo Ramos duke bërë hat-trick në fitoren 6-1 .
“Cili është problemi? Nuk e di, ndoshta ai ende ndihet sikur është 20 vjeç sepse ndihet mirë. Ai është kujdesur për trupin e tij gjatë gjithë karrierës së tij, por konkurrenca është më e fortë tani”, tha Ancelotti, i cili e ka trajnuar Ronaldon në periudhën e tij të parë në krye të Madridit.
“E kam drejtuar për dy vjet dhe nuk kam pasur kurrë probleme. Përkundrazi, ai më zgjidhi problemet. Ai shënon një gol për ndeshje, si mund ta konsideroni problem? Ai stërvit mirë, kujdeset për çdo detaj. Për mua Ishte shumë e lehtë ta stërvitje atë. Ai është një lojtar i jashtëzakonshëm.”
E ardhmja e Ronaldos mbetet e pasigurt, me 37-vjeçarin që mohon raportet se ai tashmë ka rënë dakord për një mega-marrëveshje me skuadrën e Arabisë Saudite, Al-Nassr. Gjithashtu nuk ka asnjë garanci që Ronaldo do të nisë ndeshjen çerekfinale të Portugalisë kundër Marokut të shtunën, veçanërisht pas ndeshjes së mirë të Ramosit herën e fundit./FolDrejt/
